20.06.2017

"ოქროს ლიგის" პირველი ტური

17 და 15 წლამდელებში "ოქროს ლიგის" პირველი ტური გაიმართა. ორივე ასაკობრივში ერთნაირი სისტემაა - 10 საუკეთესო გუნდი გამოვლინდა და ისინი ორ წრედ ითამაშებენ ერთმანეთში, ანუ სულ 18 ტური გაიმართება და ასე დალაგდება საბოლოო ცხრილი.

15-წლამდელებში გამოსარჩევია თბილისის "დინამოს" გამარჯვება ფოთის "კოლხეთთან" - 12:0. ცუდია, რომ ამხელა სხვაობაა გუნდებს შორის, მაგრამ ისიც აღვნიშნოთ, რომ დინამოელებს ამ ასაკში მართლაც მაგარი გუნდი ჰყავთ. "საბურთალომაც" დიდი ანგარიშით იმარჯვა, კერძოდ, ქობულეთის "შუქურას" სძლია 7:0. დანარჩენი შეხვედრები დაძაბული იყო.

17-წლამდელების პირველ ტურში არცერთ მასპინძელს არ მოუგია, ხუთიდან ოთხ შეხვედრაში სტუმრებმა იმარჯვეს. მოქმედმა ჩემპიონმა "ლოკომოტივმა" ქობულეთში 3:0 მოუგო "შუქურას", "ზესტაფონმა" კი "გაგრას" თბილისში აჯობა 4:3.

საერთოდ, დასავლეთის გუნდებმა კარგად ითამაშეს: ზესტაფონელთა გარდა, სამტრედიელებმა და ბათუმელებმაც მოიგეს თბილისში. ბათუმის "დინამომ" 35-ე სკოლასთან 3:1, ხოლო "სამტრედიამ" სულაც "დინამოს" სძლია - 3:2.

სატურნირო მდგომარეობა 17-წლამდელთა "ოქროს ლიგაში" გათამაშების პირველი ტურის შემდეგ