06.11.2016

მარცხი "ავაზასთან" გასვლით შეხვედრაში

5 ნოემბერს საფეხბურთო კლუბ "ზესტაფონის" ჩვიდმეტწლამდელთა გუნდმა ეროვნული ჩემპიონატის მორიგი მატჩი გამართა - თბილისის საფეხბურთო სკოლა "ავაზას" ხელოვნურსაფარიან მოედანზე გამართულ შეხვედრაში ზესტაფონელები ადგილობრივი კლუბის წარმომადგენელ გუნდთან ანგარიშით 0-2 დამარცხდნენ...

თბილისელებთან შეხვედრა მარგველებმა ასეთი შემადგენლობით ჩაატარეს: გოგოლაძე, გაბრიაძე, გაჩეჩილაძე, აბჟანდაძე, კაშია, სამხარაძე (ფაღავა, 10), ტაბატაძე, ჟღენტი (მაცაბერიძე, 46), ბ. ფერაძე, შეყილაძე, არაბიძე.

შემდეგ მატჩს ზესტაფონელი ჭაბუკები მიმდინარე წლის 9 ნოემბერს გამართავენ - ჩვიდმეტწლამდელთა ჩემპიონატის მორიგი, რიგით მეთორმეტე ტურის შეხვედრაში იმერლები გორის საფეხბურთო კლუბ "დილას" წარმომადგენელ თანატოლებს ჩვენი კლუბის ბაზაზე დაუხვდებიან.