02.10.2016

პირველი გამარჯვება "დავით აბაშიძეზე"

მიმდინარე წლის 1 ოქტომბერს საფეხბურთო კლუბ "ზესტაფონის" ჩვიდმეტწლამდელებმა მიმდინარე ეროვნული ჩემპიონატის მეეექვსე ტურის შეხვედრა გამართეს - დავით აბაშიძის სახელობის სტადიონზე ზესტაფონელებმა საჩხერის "ჩიხურას" წარმომადგენლებს უმასპინძლეს...

ზესტაფონის მთავარ არენაზე გამართულ მარგველთა დერბის ფეხბურთის მოყვარულები მრავლად დაესწრნენ. მასპინძლებმა შეხვედრა აღმავლობით ჩაატარეს და სტუმრები დიდი ანგარიშით 4-1 დაამარცხეს.

საჩხერელებთან შეხვედრა ზესტაფონელებმა ასეთი შემადგენლობით ჩაატარეს: გოგოლაძე, ბერაძე, ხუჯაძე, ტოფაძე, გაჩეჩილაძე, ტაბატაძე (აბჟანდაძე, 47), ჟღენტი (მაცაბერიძე, 41), ფერაძე (ფაღავა, 54), შეყილაძე (ტალახაძე, 57), გაბრიაძე, არაბიძე.

გოლები: შეყილაძე, 9; არაბიძე, 25; ჟღენტი, 32; გაბრიაძე, 34.