ახალგაზრდული ნაკრები ხორვატიას ზესტაფონში უმასპინძლებს
უეფას ოფიციალური საიტის მიერ გავრცელებული ინფორმაციის მიხედვით, გადაწყვეტილია, რომ საქართველოს ახალგაზრდული ნაკრები ევროპის ჩემპიონატის შესარჩევი ციკლის მიმდინარე წლის 6 სექტემბერს ხორვატ თანატოლებთან დაგეგმილ შეხვედრას ზესტაფონში, დავით აბაშიძის სახელობის სტადიონზე გამართავს.
შეგახსენებთ, რომ გია გეგუჩაძის გაწვრთნილმა გუნდმა "დავით აბაშიძეზე" ამას წინათაც ითამაშა, როცა ამხანაგურ შეხვედრაში უკრაინელი თანატოლები მიიღო და ფრეს, 3:3 დასჯერდა. რამდენიმე წლის წინ კი ქართველმა ახალგაზრდებმა ჩვენი ქალაქის მთავარ არენაზე ჯერ მალტელი თანატოლები დაამარცხეს ანგარიშით 2:1, შემდეგ კი თურქეთის ახალგაზრდული ნაკრები გაანადგურეს - 4:0.
