"დაუბრუნდეს "ზესტაფონი" ქართულ ფეხბურთს!" - იმპროვიზირებულად წამოწყებულ, თუმცა უკვე ძალააკრებილ ამ აქციას დღეს მარგველ გულშემატკივართათვის განსაკუთრებით ძვირფასი ადამიანები შეუერთდნენ. საფეხბურთო კლუბ "ზესტაფონის" ორი ყოფილი ფეხბურთელი და კაპიტანი გიორგი ონიანი და ჯაბა დვალი "ზესტაფონსა" და მის ქომაგს მხარდაჭერასა და თანადგომას უცხადებენ და ჩვენი ვებგვერდისათვის საგანგებოდ გამოგზავნილ ვიდეომიმართვაში გუნდის გადარჩენის მოთხოვნას აჟღერებენ.
