მცირე დასვენების შემდეგ ზემოიმერლები ზესტაფონში შეიკრიბნენ და საკუთარ საწვრთნელ ბაზაზე ვარჯიშს შეუდგნენ. გუშინ საღამოს გუნდმა ერთხელ ივარჯიშა, დღეს კი ამხანაგური მატჩის გამართვა იგეგმება - "დავით აბაშიძეზე" ერთმანეთს "ზესტაფონი" და წყალტუბოს "სამგურალი" დაუპირისპირდებიან.
აქვე უნდა აღინიშნოს, რომ ზემოიმერულ კლუბსა და ფეხბურთელებს შორის მიღწეული ურთიერთშეთანხმებების თანახმად, ზესტაფონელთა რიგები დატოვეს ნიკოლოზ გელაშვილმა, ბექა ტუღუშმა, ირაკლი ქობალიამ და ოთარ ხიზანეიშვილმა ...
აქვე შეგახსენებთ, რომ საქართველოს XXVI ეროვნული ჩემპიონატის მეორე ტურის შეხვედრას ზესტაფონელები 16 აგვისტოს გამართავენ - საფეხბურთო კლუბ "ზესტაფონის" პირველი გუნდი სოფელ ივანწმინდას სტადიონზე საჩხერის "ჩიხურას" ესტუმრება. მატჩი 17:00 საათზე დაიწყება.
საფეხბურთო კლუბ "ზესტაფონის" პრეს-სამსახური კი ჩვენი გუნდის ვარჯიშის ამსახველ მცირე ფოტორეპორტაჟს გთავაზობთ ...
