03.02.2014

"ბენდელას თასის" ჯგუფური ეტაპის ბოლო მატჩი

ზაზა ბენდელიანის სახელობის თასის ოცდამესამე გათამაშების დასავლურ ქვეჯგუფში დღეს ჯგუფური ეტაპის დასკვნითი ტურის მატჩები გაიმართა. ქუთაისის "ტორპედოს" ბაზის ხელოვნურსაფარიან მოედანზე ადგილობრივი გუნდი ზესტაფონელთა მეორე გუნდს დაუპირისპირდა.

შეხვედრა ძლიერ ქარსა და სიცივეში ფონზე მიმდინარეობდა, რაც ორივე გუნდს თავიანთი თამაშის ჩვენებაში ხელს უშლიდა. მიუხედავად ამისა, საგოლე მომენტების დეფიციტი ნამდვილად არ ყოფილა. 20-ე წუთზე „ტორპედო“ ღონღაძის პასით წინ გაიყვანა გიორგი გიორგაძემ, რომელმაც თავი მარცხენა მახვილი კუთხიდან ზუსტი დარტყმით გამოიჩინა - 1:0.

მასპინძლებმა უპირატესობა მეორე ტაიმის დასაწყისში კიდევ უფრო გაზარდეს, 62-ე წუთზე, მეტოქის საჯარიმოს ხაზიდან ბექა ტუღუშმა ეფექტურად და შედეგიანად დაჰკრა ბურთს - 2:0. სხვაობის მინიმუმამდე შემცირება სტუმრებმა 65-ე წუთზე შეძლეს, ავთო ეგუტიძის მიერ მარჯვენა ფლანგიდან გაკეთებულ გადაცემას იონა კალაჯიშვილი გამოეხმაურა - 2:1.

მალევე მსაჯთან კამათისთვის მოედნიდან ქუთაისელი ოთარ კვერნაძე იქნა გაძევებული, თუმცა კაცნაკლულმა „ტორპედომ“ თამაში გამარჯვებამდე მაინც მიიყვანა (2:1) და „ბენდელას თასის“ გათამაშებას მეოთხედფინალში გავიდა. რაც შეეხება ზესტაფონელებს, მიუხედავად იმისა, რომ გამოცდილ მეტოქესთან დღევანდელ შეხვედრაში საკმაოდ კარგად გამოიყურებოდნენ, მათ მიმდინარე ტურნირში გამოსვლა ჯგუფურ ეტაპზე დაასრულეს.

 „ტორპედო“: ცაბუტაშვილი, ლაღაძე (ხარაბაძე 46), ჩადუნელი (მამასახლისი, 46), ადამაძე, მეგრელიშვილი (ჩუბინიძე, 46), ჭედია (ჯუღელი, 46 (ცაბუტაშვილი, 72)), ბერუაშვილი, (ტუღუში, 46), ჩიკვილაძე (მაჭავარიანი, 46), ელიავა (ალიბეგაშვილი, 46), გიორგაძე (მარკოზაშვილი, 46), ღონღაძე (კვერნაძე, 46).  

გამოყენებულია საფეხბურთო კლუბ "ტორპედოს" ინტერნეტ-გვერდის მასალა