26.01.2014

"ზესტაფონის" მორიგი ახალწვეული

ბექა კაკუშაძე

ზესტაფონელთა გუნდს კიდევ ერთი ფეხბურთელი შეუერთდა - 19 წლის ახალწვეულის სახელია ბექა კაკუშაძე. ახალგაზრდა ნახევარმცველი, რომელიც ბოლო პერიოდში ქუთაისის "ტორპედოს" რიგებში ასპარეზობდა, "ზესტაფონის" ღირსებას მომდევნო 3 წლის მანძილზე დაიცავს.

ორიოდე სიტყვით მოგახსენებთ გუნდის ახალწვეულის შესახებ: ბექა კაკუშაძე - ნახევარმველი; დაბადებულია - 28.12.1994; სიმაღლე - 172 სმ, წონა - 64 კგ.

საფეხბურთო კლუბ ”ზესტაფონთან” სამწლიანი შრომითი ხელშეკრულების გაფორმებამდე ასპარეზობდა შემდეგ საფეხბურთო კლუბებში: ”მართვე” (ქუთაისი) -2009-2011; ”ტორპედო” (ქუთაისი) - 2011-2013.

აქვე უნდა მოგახსენოთ, რომ საქართველოს ეროვნულ ჩემპიონატში ახალგაზრდა პერსპექტიულმა ფეხბურთელმა თავის სადებიუტო მატჩი გასული წლის 27 აპრილს ჩაატარა.

ორმაგად საინტერესოა ის გარემოება, რომ იმ პერიოდში ქუთაისელთა მაისურით მოასპარეზე ბექა კაკუშაძემ მისთვის სადებიუტო შეხვედრაში სწორედ თავის დღევანდელი გუნდისა და თანაგუნდელების წინააღმდეგ იასპარეზა.

ახალგაზრდა ნახევარმცველი უკვე შეუერთდა მარგველებს და მათ რიგებში მარტვილის "მერანთან" რამდენიმე დღის წინ გამართულ საკონტროლო შეხვედრაშიც იასპარეზა...

ბექა კაკუშაძე