Football club zestafoni - www.fczestafoni.ge

27.12.2013

ყველა ეროვნული ჩემპიონატის ჯამური ცხრილი

2013 წლის 19 დეკემბერს დასრულდა საქართველოს XXV ეროვნული საფეხბურთო ჩემპიონატის საშემოდგომო ნაწილი. საფეხბურთო კლუბ "ზესტაფონის" ოფიციალური ვებგვერდი, როგორც ყოველთვის, გთავაზობთ საქართველოს ყველა ეროვნული ჩემპიონატის (1990 - 2013 წლები) მონაწილე ყველა გუნდის უმაღლეს ლიგაში ასპარეზობის ამსახველ ჯამურ ცხრილს.

საფეხბურთო კლუბ ”ზესტაფონს”, რომელიც დაარსებულია 2004 წლის 18 ივნისს, საქართველოს ეროვნულ ჩემპიონატებში გამართული აქვს 305 მატჩი, აქედან 170 დასრულდა ზესტაფონელი ფეხბურთელების გამარჯვებით, 63 შეხვედრაში დაფიქსირდა ფრე, 72 -ჯერ კი იმარჯვეს ზესტაფონელთა მეტოქეებმა. ბურთების სხვაობაა 493-262. ამ მატჩებში საფეხბურთო კლუბ ”ზესტაფონს” მოპოვებული აქვს 573 ქულა.

უნდა გავამახვილოთ თქვენი ყურადღება იმაზე, რომ ქვეყნის უმაღლეს დივიზიონში ჩატარებულ მატჩებში მარგველთა მიერ გატანილი გოლების საერთო რაოდენობამ 493 მიაღწია. შესაბამისად, უნდა ვივარაუდოთ, რომ მიმდინარე ჩემპიონატის განახლებიდან მცირე ხანში ზესტაფონელები საქართველოს ეროვნული ჩემპიონატის უმაღლეს ლიგაში გატანილ საიუბილეო 500-ე გოლს იზეიმებენ.

აქვე უნდა ითქვას იმაზეც, რომ ზესტაფონელთა (აქ მხედველობაში გვაქვს უმაღლეს ლიგაში ქალაქის წარმომადგენელი სამივე კლუბის საერთო მონაგარი) მიერ ქვეყნის უმაღლეს ლიგაში ჩატარებული მატჩების საერთო რაოდენობამ 600 გადააჭარბა და სადღეისოდ 616 შეადგენს.

საინტერესოა ისიც, რომ ყველა ეროვნული ჩემპიონატის შედეგების გათვალისწინებით შეჯამებულ ცხრილში მნიშვნელოვანი და მარგველთათვის ფრიად სასიამოვნო ცვლილება მოხდა - ქალაქ ზესტაფონის საფეხბურთო კლუბების საერთო მონაგარმა 966 ქულა შეადგინა. შესაბამისად, მიმდინარე პირველობის მიმდინარეობისას იმერლებმა ეროვნული ჩემპიონატის ისტორიაში მოწინავე ქართული კლუბების ერთ-ერთ წარმომადგენელ ფოთის ”კოლხეთს” გაუსწრეს და თბილისის დინამოელთა და ქუთაისის ”ტორპედოს” შემდეგ, ეროვნული პირველობების საუკეთესოთა ჩამონათვალში საპატიო მესამე პოზიციაზე გადაინაცვლეს.

№	გუნდი	ჩ.	თ	მ	ფ	წ	ბურთები	ქ
1	"დინამო" (თბილისი) (+)	25	773	543	131	99	1934-578	1760
2	"ტორპედო" (ქუთაისი) (+)	22	675	352	131	192	1168-758	1187
3	*ზესტაფონი (+)**	20	616	283	117	216	940-828	966
2004-13	"ზესტაფონი" (+)	10	305	170	63	72	493-262	573
2001-03	"მეტალურგი"	2	64	15	11	38	50-123	56
1991-98	"მარგვეთი"	8	247	98	43	106	397-443	337
4	"კოლხეთი-1913" (ფოთი)	20	631	274	123	234	910-792	945
5	”მეტალურგი” (რუსთავი) (+)**	18	553	264	126	163	754-554	918
6	"დინამო" (ბათუმი)	20	612	260	131	221	913-692	911
7	"ვიტ-ჯორჯია" (თბილისი) (+)	17	523	248	134	141	716-480	878
8	"სიონი" (ბოლნისი) (+)	19	584	207	129	250	650-790	750
9	"დილა" (გორი) (+)	21	640	208	108	324	752-1011	732
10	”ზუგდიდი” * (+)**	17	517	179	82	256	672-849	619
11	"ლოკომოტივი" (თბილისი)	13	400	174	97	129	503-391	619
12	"გორდა" (რუსთავი)	14	435	181	76	178	680-612	619
13	"სამტრედია"	13	408	143	72	193	544-681	501
14	"შევარდენი" (თსუ) (თბილისი)	12	373	134	70	169	510-571	472
15	"გურია" (ლანჩხუთი) (+)	11	338	124	45	169	491-657	417
16	"სამგურალი" (წყალტუბო)	11	333	113	53	167	396-584	392
17	"ივერია" (ხაშური)	7	213	62	31	120	235-416	217
18	”სპარტაკი” (ცხინვალი) (+)	8	247	55	50	142	219-443	215
19	"კახეთი" (თელავი)	7	214	62	27	125	269-473	213
20	"ცხუმი" (”დინამო”) (სოხუმი)	5	153	59	22	72	265-269	199
21	"ალაზანი" (გურჯაანი)	4	125	55	20	50	197-224	185
22	"ამერი" (თბილისი)	3	82	47	13	22	133-67	154
23	"ბორჯომი"	4	112	38	19	55	132-185	133
24	"კოლხეთი" (ხობი)	4	119	33	25	61	154-208	124
25	"ჩიხურა" (საჩხერე) (+)	3	77	33	17	27	99-107	116
26	"მზიური" (გალი)	3	91	33	16	42	125-162	115
27	"ამირანი" (ოჩამჩირე)	3	91	27	21	43	111-148	102
28	"მერცხალი" (ოზურგეთი)	4	123	24	22	77	122-248	94
29	"მრეტები" (თბილისი)	3	106	26	15	65	114-210	93
30	"საპოვნელა" (თერჯოლა)	2	66	25	11	30	98-122	86
31	"გაგრა"	3	102	21	23	58	88-160	86
32	"მერანი" (მარტვილი) (+)	3	86	25	10	51	87-146	85
33	"მესხეთი" (ახალციხე)	2	56	18	14	24	52-72	68
34	"სულორი" (ვანი)	2	57	19	10	28	82-123	67
35	"მაღაროელი" (ჭიათურა)	2	66	18	11	37	81-145	65
36	"არსენალი" (თბილისი)	2	58	14	14	30	55-94	56
37	”სპარტაკი” (თბილისი)	2	62	12	11	39	44-115	47
38	"მერანი" (თბილისი)	2	52	12	9	31	35-95	45
39	"შუქურა" (ქობულეთი)	1	30	13	3	14	44-57	42
40	"მცხეთა-ურიონი"	1	33	12	5	16	41-63	41
41	"დურუჯი" (ყვარელი)	2	60	9	4	47	51-192	31
42	"მილანი" (წნორი)	1	32	6	8	18	18-54	26
43	"თბილისი" (დინამო-2)	1	28	6	6	16	33-57	24
44	"ეგრისი" (სენაკი)	1	30	5	2	23	42-90	17

პირობითი აღნიშვნები: (ჩ) - ჩემპიონატების საერთო რაოდენობა, (თ) - თამაშების საერთო რაოდენობა, (მ) - მოგებათა საერთო რაოდენობა, (ფ) - ფრეთა საერთო რაოდენობა, (წ) - წაგებათა საერთო რაოდენობა, (ქ) - ქულათა საერთო რაოდენობა.

შენიშვნები:

* - მოცემულია ქალაქ ზესტაფონის გუნდების (”მარგვეთი”, ”მეტალურგი” და ”ზესტაფონი”) საერთო მონაგარი.

** - საფეხბურთო კლუბ ”თბილისის” (ყოფილი ”მერანი-91”) საერთო მონაგარს ემატება რუსთავის საფეხბურთო კლუბების ”ოლიმპისა” და ”მეტალურგის” შედეგები.

*** - მოცემულია ქალაქ ზუგდიდის გუნდების (”ოდიში”, ”მგლები”, ”ბაია” და "ზუგდიდის" ) საერთო მონაგარი.

**** - მოცემულია ქალაქ ცხინვალის გუნდების (”ლიახვი”, ”ცხინვალი” და ”სპარტაკი”) საერთო მონაგარი.

(+) - XXV ეროვნული ჩემპიონატის მონაწილე.

შეგახსენებთ იმასაც, რომ, თბილისურ "დინამოსთან" და "ვიტ-ჯორჯიასთან" ერთად, საფეხბურთო კლუბი ”ზესტაფონი” წარმოადგენს ქართული კლუბების სამეულს, რომელსაც დამოუკიდებელი ქართული ფეხბურთის არსებობის ხანაში სამივე ქართული ტიტულის (ჩემპიონის ოქრო, ეროვნული თასი და სუპერთასი) მოპოვება მოუხერხებია. ზემოთნახსენები "ტრიოს" გარდა, ასეთი შედეგისათვის არც ერთ ქართულ კლუბს არ მიუღწევია.

აქვე გეტყვით იმასაც, რომ დღიდან შექმნისა საფეხბურთო კლუბ ”ზესტაფონს” გამართული აქვს 67 მატჩი დავით ყიფიანის სახელობის საქართველოს ეროვნული თასის გათამაშების ფარგლებში, რომელთაგან 40 დასრულდა მარგველთა გამარჯვებით, 14 დასრულდა ფრედ, 13-ჯერ კი ზესტაფონელები დამარცხდნენ, ბურთების სხვაობაა 123-50. ამ მატჩებში ”ზესტაფონს” მოპოვებული აქვს 134 ქულა. საქართველოს სუპერთასის გათამაშებაში კი იმერლებს 3-ჯერ უთამაშია - ამ მატჩებში მათ თითო გამარჯვება, ფრე, მარცხი და გატანილ-მიღებული ბურთების დადებითი ბალანსი 3-2 დაუგროვდათ.

ორიოდე სიტყვით შევეხებით ევროსარბიელსაც - ევროპულ საკლუბო ტურნირებში მარგველებს გამართული აქვთ 22 მატჩი, რომელთაგან 6 დასრულდა მათი გამარჯვებით, 6 დასრულდა ფრედ, 10-ჯერ კი იმარჯვეს ზესტაფონელთა ოპონენტებმა. ბურთების სხვაობაა 35-28.

თქვენს სამსჯავროზე გამოტანილი დღევანდელი პუბლიკაციის შეჯამებისას კი მოგახსენებთ, რომ სულ, 2013 წლის 25 დეკემბრის მდგომარეობით, საფეხბურთო კლუბ ”ზესტაფონს” გამართული აქვს 397 ოფიციალური მატჩი, მოპოვებული აქვს 217 გამარჯვება და 84 ფრე, განცდილი აქვს 96 მარცხი, მეტოქეთა კარში გატანილი 654 აქვს და მიღებული აქვს 342 ბურთი.

საფეხბურთო კლუბ ”ზესტაფონის” პრეს-სამსახური