01.12.2013

დუბლიორთა ტურნირის მეთოთხმეტე ტური

1 დეკემბერს გაიმართა საქართველოს XXV ეროვნული ჩემპიონატის უმაღლესი ლიგის გუნდების დუბლიორთა ტურნირის მეთოთხმეტე ტურის მატჩები. საფეხბურთო კლუბ ”ზესტაფონის” რეზერვისტებმა საკუთარ ბაზაზე რუსთავის ”მეტალურგის” მეორე გუნდს უმასპინძლეს.

ზესტაფონელებმა ასეთი შემადგენლობით იასპარეზეს: მეშველიანი, რობაქიძე, გიორგაძე (ნაცვლიშვილი, 51), კუპრაშვილი, გოგია (ომარ გრიგალაშვილი, 79), კიკნაველიძე (ახალაძე, 46), ბარბაქაძე, მაკარიძე, მიქელთაძე (ჩუბინიძე, 72), ეგუტიძე (კვარაცხელია, 46), კვერნაძე.

დუბლიორთა მიმდინარე პირველობის ერთპიროვნულ ლიდერ რუსთაველებთან შეხვედრა მასპინძელთათვის კარგად დაიწყო - უკვე 5-ე წუთზე ზესტაფონელები ოთარ კვერნაძემ დააწინაურა. თავის მხრივ, სტუმრებმა ანგარიში 12-ე წუთზე შალვა ექვთიმიშვილის გოლით გაათანაბრეს, ხოლო 23-ე წუთზე ივანე ხაბელაშვილმა წინ უკვე ქვემოქართლელები გაიყვანა.

ზესტაფონელები მოვლენათა ასეთ განვითარებას არ ეგუებოდნენ და 60-ე წუთზეულამაზესი დარტყმით წონასწორობა ბადრი კვარაცხელიამ აღადგინა. 62-ე ბექა ოქროპირიძის გოლის წყალობით წინ ისევ რუსთაველები გავიდნენ, მანვე 77-ე წუთზე სტუმართა უპირატესობა კიდევ უფრო თვალსაჩინო გახადა. მართალია, 89-ე წუთზე იმერლებმა ანგარიშში სხვაობა მინიმუმამდე შეამცირეს (გოლი ოთარ კვერნაძის ანგარიშზეა), თუმცა მატჩის გადარჩენა მათ ვეღარ მოახერხეს. რუსთაველთა გამარჯვება ანგარიშით 4-3.

დუბლიორთა ტურნირის სატურნირო ცხრილი