საქართველოს ორგზის ჩემპიონი ზესტაფონელები საკუთარ საწვრთნელ ბაზაზე ვარჯიშს განაგრძობენ. როგორც მოგეხსენებათ, 20 ოქტომბერს დავით აბაშიძის სახელობის ზესტაფონის სტადიონზე გაიმართება საქართველოს XXV ეროვნული ჩემპიონატის მეცხრე ტურის შეხვედრა, რომელშიც მარგველები თბილისის საფეხბურთო კლუბ "ვიტ-ჯორჯიას" უმასპინძლებენ.
13 ოქტომბერს ზესტაფონელები საჩხერის "ჩიხურასთან" ამხანაგურ შეხვედრას გამართავენ. გუნდების საწვრთნელო შტაბების შეთანხმების თანახმად, მარგვეთის მხარის წარმომადგენელი ორი კლუბის საკონტროლო მატჩი ზესტაფონელთა ბაზაზე გაიმართება და 15:00 საათზე დაიწყება.
ჩვენ კი გთავაზობთ მცირე ფოტირეპორტაჟს, რომელიც ზესტაფონელთა დღევანდელი ვარჯიშის მიმდინარეობას ასახავს.
