საფეხბურთო კლუბი ”ზესტაფონი” ეროვნული პირველობის მოახლოვებული მატჩებისათვის ემზადება. საქართველოს XXV ჩემპიონატის მესამე ტურის შეხვედრაში რუსთავის სტადიონ "ფოლადზე" მარგველები ადგილობრივ საფეხბურთო კლუბ "მეტალურგს" ესტუმრებიან.
ზემოიმერული კლუბი რუსთაველებთან მატჩისათვის ზესტაფონში, საკუთარ ბაზაზე ემზადება. უნდა ითქვას, რომ გუნდთან ერთად მომავალი მატჩისათვის ემზადებიან მარგველთა ახალწვეულები ნაემეკა აჯურუ და სანდრო გურული.
რუსთავის ”მეტალურგთან” ორშაბათს, 26 აგვისტოს, გასამართი შეხვედრა 17:00 საათზე დაიწყება და მას ეროვნული კატეგორიის ქუთაისელი არბიტრი გოგა კიკაჭეიშვილი მოემსახურება.
საფეხბურთო კლუბ ”ზესტაფონის” პრეს-სამსახური დღევანდელი ვარჯიშის ამსახველ მცირე ფოტორეპორტაჟს გთავაზობთ ...
