17.08.2013

დუბლიორთა პირველი გამარჯვება ახალ სეზონში

17 აგვისტოს გაიმართა საქართველოს XXV ეროვნული ჩემპიონატის უმაღლესი ლიგის გუნდების დუბლიორთა ტურნირის მეორე ტურის მატჩები. საფეხბურთო კლუბ ”ზესტაფონის” რეზერვისტებმა საკუთარ ბაზაზე ქუთაისის საფეხბურთო კლუბ ”ტორპედოს” მეორე გუნდს უმასპინძლეს.

ზესტაფონელებმა ასეთი შემადგენლობით იასპარეზეს: მეშველიანი, რობაქიძე, ნაცვლიშვილი, ჯიქიძე (გიორგაძე, 77), ახალაძე, შალამბერიძე (ომარ გრიგალაშვილი, 82), გოგია, კუტალია (ეგუტიძე, 71), კვარაცხელია (ჩუბინიძე, 65), მიქელთაძე, მაკარიძე.

ზესტაფონელ და ქუთაისელ დუბლიორთა შეხვედრა, როგორც იმერული კლუბების ნებისმიერი რანგის მატჩს შეეფერება, ძალიან საინტერესო და დაძაბული გამოდგა. ტერიტორიულ და სათამაშო უპირატესობას ხან ერთი, ხანაც მეორე მხარე ეუფლებობა, სახიფათო მომენტებიც ორივე კარის სიახლოვეს იქმნებოდა...

როგორც ეს მსგავსი სცენარით წარმართულ შეხვედრებში ხშირად ხდება, დღევანდელი დაპირისპირების ბედი ერთადერთმა გოლმა გადაწყვიტა. გამარჯვების გოლის გატანა მასპინძლებმა მოახერხეს- 50-ე წუთზე ზესტაფონელთა კარგი შეტევა ნიკა შალამბერიძის ზუსტმა დარტყმამ დააგვირგვინა. მარგველ დუბლიორთა პირველი გამარჯვება სეზონში - 1-0.

დუბლიორთა ტურნირის სატურნირო ცხრილი