Football club zestafoni - www.fczestafoni.ge

24.05.2013

ოცდაოთხი ეროვნული ჩემპიონატი ციფრებში

2013 წლის 18 მაისს დასრულდა საქართველოს XXIV ეროვნული ჩემპიონატი. გთავაზობთ საქართველოს ოცდაოთხივე ეროვნული ჩემპიონატის (1990 - 2013 წლები) მონაწილე ყველა გუნდის საერთო სტატისტიკურ მონაგარს.

საფეხბურთო კლუბ ”ზესტაფონს”, რომელიც დაარსებულია 2004 წლის 18 ივნისს, საქართველოს ეროვნულ ჩემპიონატებში გამართული აქვს 288 მატჩი, აქედან 163 დასრულდა ზესტაფონელი ფეხბურთელების გამარჯვებით, 59 შეხვედრაში დაფიქსირდა ფრე, 66 -ჯერ კი იმარჯვეს ზესტაფონელთა მეტოქეებმა. ბურთების სხვაობაა 474-247. ამ მატჩებში საფეხბურთო კლუბ ”ზესტაფონს” მოპოვებული აქვს 548 ქულა.

როგორც უკვე გაუწყეთ, რამდენიმე დღის წინ დასრულებული სეზონი ზემოიმერული კლუბის ისტორიაში ერთ-ერთი ყველაზე წარუმატებელი გამოდგა - ზესტაფონელებმა, 2004-2005 წლების სეზონის მსგავსად, ჩემპიონატი მხოლოდ 5-ე პოზიციაზე დაასრულეს, ჩემპიონატში სულ რაღაც 12 გამარჯვების მოპოვება და მხოლოდ 35 გოლის გატანა შეძლეს, თანაც პირველად სეზონი გატანილი და გაშვებული ბურთების უარყოფითი ბალანსით (-3) დაასრულეს.

ამის მიუხედავად, ოცდაოთხივე ეროვნული ჩემპიონატის შედეგების გათვალისწინებით შეჯამებულ ცხრილში მარგველთათვის მნიშვნელოვანი და საინტერესო ამბები მოხდა - ქალაქ ზესტაფონის საფეხბურთო კლუბების საერთო მონაგარმა 941 ქულა შეადგინა და ზემოიმერლებმა, რომლებმაც წინა სეზონის მიმდინარეობისას ეროვნული ჩემპიონატის ისტორიაში მოწინავე ქართული კლუბების ერთ-ერთ წარმომადგენელ ბათუმის ”დინამოს” გაუსწრეს (მიმდინარე პირველობის მსვლელობისას კი, ზესტაფონელებმა უკან ფოთელებიც მოიტოვეს, თუმცა, ახლახან დასრულებული ჩემპიონატის ფინიშის სწორზე წარუმატებელი მატჩების სერიის გამო, ფოთელებს გადასწრებისა და მესამე პოზიციაზე დაბრუნების შესაძლებლობა მისცეს), "სატურნირო მდგომარეობა" კიდევ უფრო გაიუმჯობესეს. ფოთელებს სულ მცირედით (4 ქულა) ჩამორჩენილი მარგველები, თბილისის "დინამოს", ქუთაისის ”ტორპედოსა” და უკვე ნახსენები ფოთის "კოლხეთის" შემდეგ, ეროვნული პირველობების საუკეთესოთა ჩამონათვალში მეოთხე პოზიციაზე იმყოფებიან.

აქვე უნდა ითქვას იმაზეც, რომ ზესტაფონელთა მიერ ქვეყნის უმაღლეს ლიგაში ჩატარებული მატჩების საერთო რაოდენობამ 599 მიაღწია. შესაბამისად, საქართველოს ეროვნული ჩემპიონატის უმაღლეს ლიგაში გამართული შემდეგი მატჩი საფეხბურთო ზესტაფონისთვის საიუბილეო 600-ე იქნება.

№	გუნდი	ჩ.	თ	მ	ფ	წ	ბურთები	ქ
1	"დინამო" (თბილისი) (+)	24	755	530	128	97	1892-565	1718
2	"ტორპედო" (ქუთაისი) (+)	21	657	346	127	184	1149-734	1165
3	"კოლხეთი-1913" (ფოთი) (+)	20	631	274	123	234	910-792	945
4	*ზესტაფონი (+)**	19	599	276	113	210	921-813	941
2004-13	"ზესტაფონი" (+)	9	288	163	59	66	474-247	548
2001-03	"მეტალურგი"	2	64	15	11	38	50-123	56
1991-98	"მარგვეთი"	8	247	98	43	106	397-443	337
5	"დინამო" (ბათუმი) (+)	20	612	260	131	221	913-692	911
6	”მეტალურგი” (რუსთავი) (+)**	17	535	257	121	157	731-531	892
7	"ვიტ-ჯორჯია" (თბილისი) (+)	16	505	241	130	134	691-457	853
8	"სიონი" (ბოლნისი) (+)	18	568	200	123	245	628-761	723
9	"დილა" (გორი) (+)	20	622	201	101	320	729-996	704
10	"ლოკომოტივი" (თბილისი)	13	400	174	97	129	503-391	619
11	"გორდა" (რუსთავი)	14	435	181	76	178	680-612	619
12	”ზუგდიდი” * (+)**	16	499	176	77	246	664-825	605
13	"სამტრედია"	13	408	143	72	193	544-681	501
14	"შევარდენი" (თსუ) (თბილისი)	12	373	134	70	169	510-571	472
15	"გურია" (ლანჩხუთი)	11	338	124	45	169	491-657	417
16	"სამგურალი" (წყალტუბო)	11	333	113	53	167	396-584	392
17	"ივერია" (ხაშური)	7	213	62	31	120	235-416	217
18	"კახეთი" (თელავი)	7	214	62	27	125	269-473	213
19	”სპარტაკი” (ცხინვალი) ****	7	230	51	48	131	206-419	201
20	"ცხუმი" (”დინამო”) (სოხუმი)	5	153	59	22	72	265-269	199
21	"ალაზანი" (გურჯაანი)	4	125	55	20	50	197-224	185
22	"ამერი" (თბილისი)	3	82	47	13	22	133-67	154
23	"ბორჯომი"	4	112	38	19	55	132-185	133
24	"კოლხეთი" (ხობი)	4	119	33	25	61	154-208	124
25	"მზიური" (გალი)	3	91	33	16	42	125-162	115
26	"ამირანი" (ოჩამჩირე)	3	91	27	21	43	111-148	102
27	"მერცხალი" (ოზურგეთი)	4	123	24	22	77	122-248	94
28	"მრეტები" (თბილისი)	3	106	26	15	65	114-210	93
29	"საპოვნელა" (თერჯოლა)	2	66	25	11	30	98-122	86
30	"გაგრა"	3	102	21	23	58	88-160	86
31	"ჩიხურა" (საჩხერე) (+)	2	59	23	12	24	64-85	81
32	"მერანი" (მარტვილი) (+)	2	68	21	9	38	73-110	72
33	"მესხეთი" (ახალციხე)	2	56	18	14	24	52-72	68
34	"სულორი" (ვანი)	2	57	19	10	28	82-123	67
35	"მაღაროელი" (ჭიათურა)	2	66	18	11	37	81-145	65
36	"არსენალი" (თბილისი)	2	58	14	14	30	55-94	56
37	”სპარტაკი” (თბილისი)	2	62	12	11	39	44-115	47
38	"მერანი" (თბილისი)	2	52	12	9	31	35-95	45
39	"შუქურა" (ქობულეთი)	1	30	13	3	14	44-57	42
40	"მცხეთა-ურიონი"	1	33	12	5	16	41-63	41
41	"დურუჯი" (ყვარელი)	2	60	9	4	47	51-192	31
42	"მილანი" (წნორი)	1	32	6	8	18	18-54	26
43	"თბილისი" (დინამო-2)	1	28	6	6	16	33-57	24
44	"ეგრისი" (სენაკი)	1	30	5	2	23	42-90	17

პირობითი აღნიშვნები: (ჩ) - ჩემპიონატების საერთო რაოდენობა, (თ) - თამაშების საერთო რაოდენობა, (მ) - მოგებათა საერთო რაოდენობა, (ფ) - ფრეთა საერთო რაოდენობა, (წ) - წაგებათა საერთო რაოდენობა, (ქ) - ქულათა საერთო რაოდენობა.

შენიშვნები:

* - მოცემულია ქალაქ ზესტაფონის გუნდების (”მარგვეთი”, ”მეტალურგი” და ”ზესტაფონი”) საერთო მონაგარი.

** - საფეხბურთო კლუბ ”თბილისის” (ყოფილი ”მერანი-91”) საერთო მონაგარს ემატება რუსთავის საფეხბურთო კლუბების ”ოლიმპისა” და ”მეტალურგის” შედეგები.

*** - მოცემულია ქალაქ ზუგდიდის გუნდების (”ოდიში”, ”მგლები”, ”ბაია” და "ზუგდიდის" ) საერთო მონაგარი.

**** - მოცემულია ქალაქ ცხინვალის გუნდების (”ლიახვი”, ”ცხინვალი” და ”სპარტაკი”) საერთო მონაგარი.

(+) - XXIV ეროვნული ჩემპიონატის მონაწილე.

შეგახსენებთ იმასაც, რომ, თბილისურ "დინამოსთან" და "ვიტ-ჯორჯიასთან" ერთად, საფეხბურთო კლუბი ”ზესტაფონი” წარმოადგენს ქართული კლუბების სამეულს, რომელსაც დამოუკიდებელი ქართული ფეხბურთის არსებობის ხანაში სამივე ქართული ტიტულის (ჩემპიონის ოქრო, ეროვნული თასი და სუპერთასი) მოპოვება მოუხერხებია. ზემოთნახსენები "ტრიოს" გარდა, ასეთი შედეგისათვის არც ერთ ქართულ კლუბს არ მიუღწევია.

აქვე მოგახსენებთ იმასაც, რომ დღიდან შექმნისა საფეხბურთო კლუბ ”ზესტაფონს” გამართული აქვს 63 მატჩი დავით ყიფიანის სახელობის საქართველოს ეროვნული თასის გათამაშების ფარგლებში, რომელთაგან 38 დასრულდა მარგველთა გამარჯვებით, 14 დასრულდა ფრედ, 11-ჯერ კი ზესტაფონელები დამარცხდნენ, ბურთების სხვაობაა 113-48. ამ მატჩებში ”ზესტაფონს” მოპოვებული აქვს 128 ქულა. საქართველოს სუპერთასის გათამაშებაში კი იმერლებს 3-ჯერ უთამაშია - ამ მატჩებში მათ თითო გამარჯვება, ფრე, მარცხი და გატანილ-მიღებული ბურთების დადებითი ბალანსი 3-2 დაუგროვდათ.

ორიოდე სიტყვით შევეხებით ევროსარბიელსაც - ევროპულ საკლუბო ტურნირებში მარგველებს გამართული აქვთ 22 მატჩი, რომელთაგან 6 დასრულდა მათი გამარჯვებით, 6 დასრულდა ფრედ, 10-ჯერ კი იმარჯვეს ზესტაფონელთა ოპონენტებმა. ბურთების სხვაობაა 35-28.

თქვენს სამსჯავროზე გამოტანილი დღევანდელი პუბლიკაციის შეჯამებისას კი მოგახსენებთ, რომ სულ, 2013 წლის 24 მაისის მდგომარეობით, საფეხბურთო კლუბ ”ზესტაფონს” გამართული აქვს 376 ოფიციალური მატჩი, მოპოვებული აქვს 208 გამარჯვება და 80 ფრე, განცდილი აქვს 88 მარცხი, მეტოქეთა კარში გატანილი 625 აქვს და მიღებული აქვს 325 ბურთი.

საფეხბურთო კლუბ ”ზესტაფონის” პრეს-სამსახური