26.11.2012

ქართველთა რეიტინგი უეფაში

ქართველთაგან პირველი ისევ "ზესტაფონია"

ევროტურნირებზე მორიგი სამშაბათ-ოთხშაბათ-ხუთშაბათის შემდეგ, უეფას საკლუბო რეიტინგი გამოქვეყნდა. რა თქმა უნდა, ქართულ კლუბებს ქულები არ შეცვლიათ. როგორც იცით, ეს რეიტინგი ევროტურნირებზე ნაჩვენები ბოლო 5 წლის შედეგებით კეთდება. სიაში 7 ქართული კლუბია და მათ შორის, ყველაზე მაღლა “ზესტაფონია”, რომელსაც თბილისის “დინამო” და რუსთავის “მეტალურგი” მოჰყვებიან.

რაც შეეხებათ ევროპაში საუკეთესოებს, ამ სიას, რა თქმა უნდა, “ბარსელონა” ლიდერობს და  ათეულში კიდევ 3 ესპანური კლუბია: “რეალი”, “ვალენსია” და “ატლეტიკო”.

ათეულში ვერ ვხედავთ ისეთ გუნდებს, როგორებიც არიან “მილანი” (მე-12 ადგილზე), “ლივერპული” (მე-18), “მანჩესტერ სიტი” (მე-19), პსჟ (24-ე), “იუვენტუსი” (32-ე), “დორტმუნდი” (43-ე)... თუმცა, ვიმეორებთ, რომ შედეგები მიღებულია ევროტურნირებზე მოგება-ფრე-წაგების მაჩვენებლებით.  

იმ კლუბებს შორის, სადაც ქართველი ლეგიონერი ირიცხება, ყველაზე მაღლა ჯანო ანანიძის “სპარტაკია” (55-ე)...

ქართული კლუბებიდან რეიტინგში ყველაზე წინ ქვეყნის ჩემპიონი "ზესტაფონია", რომელიც 220-ე პოზიციაზეა. სულ უეფას რეიტინგის 400 საუკეთესოში შვიდი ქართული კლუბი მოხვდა, რომლებიც შემდეგ ადგილებს იკავებენ.

იბეჭდება მცირე ცვლილებებით ...