25.11.2012

დუბლიორთა ტურნირის მეთექვსმეტე ტური

25 ნოემბერს გაიმართა საქართველოს XXIV ეროვნული ჩემპიონატის უმაღლესი ლიგის გუნდების დუბლიორთა ტურნირის მეთექვსმეტე ტურის მატჩები. საფეხბურთო კლუბ ”ზესტაფონის” რეზერვისტებმა საკუთარ ბაზაზე ფოთის საფეხბურთო კლუბ ”კოლხეთის” მეორე გუნდს უმასპინძლეს.

ზესტაფონელებმა ასეთი შემადგენლობით იასპარეზეს: მეშველიანი, ჯიქიძე, გაგოშიძე, თორნიკე გრიგალაშვილი, კიკნაველიძე, შარვაძე, სარდალიშვილი (ხუჯაძე, 56), იელიჩი (გაჩეჩილაძე, 46), სამუშია (კვერნაძე, 46), რაჟამაშვილი (ჭანტურიშვილი, 65), ბოტი გოა (ბარაბაძე, 46).

ზესტაფონელი და ფოთელი დუბლიოების დღევანდელ შეხვედრაში, ამ კლუბების პირველი გუნდების გუშინდელი მატჩისგან განსხვავებით, ბრძოლა ვერ შედგა. ამის მიზეზი გახლდათ ის, რომ მასპინძლები მთელი თამაშის განმავლობაში ფლობდნენ დიდ სათამაშო და ტერიტორიულ უპირატესობას და მატჩის მსვლელობისას ეს უპირატესობა სტუმართა კარში გატანილ გოლში ექვსჯერ იქნა ასახული.

პირველი გოლის გატანა ზესტაფონელებმა 15-ე წუთზე შეძლეს - მიშო სარდალიშვილის ზუსტი გადაცემის შემდეგ იმერული კლუბის მაისურით ასპარეზობისას გატანილი სადებიუტო გოლით თავი ზესტაფონელთა კოტდ'ივუარელმა ლეგიონერმა ბოტი გოამ გამოიჩინა. ამის შემდეგ მასპინძლებმა მეტოქეზე ზეწოლა კიდევ უფრო გააძლიერეს და ტაიმის ბოლომდე ფოთელთა კარში ერთმანეთის მიყოლებით კიდევ სამი გოლი გაიტანეს: 33-ე წუთზე - დავით რაჟამაშვილმა, 35-ეზე - გურამ სამუშიამ, ხოლო 40-ეზე მიშო სარდალიშვილმა ანგარიში 4-0 გახადა.

მეორე ტაიმის სადებიუტო ნაწილი ისევ მარგველთა შეტევების აკომპანემენტით წარიმართა და 55-ე წუთზე დავით რაჟამაშვილმა დღევანდელ შეხვედრაში დუბლის შესრულება მოახერხა. 70-ე წუთზე ფოთელებმა პრესტიჟის გოლი გაიტანეს - საგოლე შეხება თორნიკე მოსიაშვილის ანგარიშზეა. ლამაზი და უხვგოლიანი მატჩის საბოლოო წერტილი 77-ე წუთზე იქნა დასმული - შესვენების შემდეგ მინდორზე აქტიურად შესულმა ოთარ კვერნაძემ ანგარიში 6-1 გახადა.

აღნიშვნის ღირსია ის, რომ იმერელთა რიგებში თავის სადებიუტო მატჩი ჩაატარა რევაზ ბარაბაძემ, რომელსაც ტრავმის გამო გარკვეული პერიოდი გაუცდა... რაც შეეხება საქართველოს XXIV ეროვნული ჩემპიონატის უმაღლესი ლიგის გუნდების დუბლიორთა ჩემპიონატის სატურნირო ცხრილს, სადღეისოდ საფეხბურთო კლუბ ”ზესტაფონის” მეორე გუნდი მესამე პოზიციაზე იმყოფება.

დუბლიორთა ტურნირის სატურნირო ცხრილი