მიმდინარე წლის 4 აგვისტოს საფეხბურთო კლუბმა ”ზესტაფონმა”, რომელიც XXIV ეროვნული ჩემპიონატის სტარტისათვის ზესტაფონში ემზადება, საკონტროლო მატჩი გამართა. დღევანდელ შეხვედრაში ქვეყნის ჩემპიონთა სპარინგ-პარტნიორი საფეხბურთო კლუბი ”გაგრა” გახლდათ.
მატჩის პირველი ნახევარი მასპინძელთა დიდი სათამაშო უპირატესობით წარიმართა, რამაც სათანადოთ ასახვა ანგარიშშიც ჰპოვა - ზესტაფონელებმა ტაიმი 3-0 მოიგეს. უკვე 4-ე წუთზე ანგარიში შოთა ბაბუნაშვილმა გახსნა, ამის შემდეგ კი ორჯერ (9-ე და 40-ე წუთებზე) თავი იომი ოვონიკოკომ გამოიჩნა.
მეორე ნახევრის დებიუტში გაგრელები გააქტიურდნენ კი ჯონი ჯერემიას გოლის წყალობით ანგარიშის "დასველება" მოახერხეს. ტაიმის ასეთი დასაწყისის მიუხედავად, საბოლოო ჯამში ბრძოლა მაინც ვერ შედგა, რადგანაც ”ზესტაფონმა” კიდევ სამი გოლით დაამწუხრა სტუმრები - გოლები მიშიკო სარდალიშვილის (74-ე წუთი), გურამ სამუშიას (75-ე წუთი) და ოთარ კვერნაძის (82-ე წუთი) ანგარიშზეა. ზესტაფონელებმა დიდი ანგარიშით 6-1 გაიმარჯვეს.
