24.02.2011. ”სპარტაკი-2” - ”ზესტაფონი-2” 5-3 (ფერაძე, 8; ჭანკოტაძე, 21; სარდალიშვილი, 23 ).

”ზესტაფონი-2”: მეშველიანი, თ. გრიგალაშვილი, ფერაძე, გაგოშიძე, კიკნაველიძე (ლურსმანაშვილი, 87), სანიკიძე (მნათობიშვილი, 85), ჭანკოტაძე, გაჩეჩილაძე (შარვაძე, 63), სარდალიშვილი (ღირდალაძე, 85), ლომია, ჩიხლაძე.

ცხინვალელთა და ზესტაფონელთა დუბლიორების შეხვედრა ძალიან საინტერესოდ წარიმართა. პირველი ტაიმი სტუმრებმა აღმავლობით ჩაატარეს და 23-ე წუთისთვის სამბურთიანი უპირატესობით დაწინაურდნენ (ფერაძე, 8-ე წუთი; ჭანკოტაძე, 21-ე და სარდალიშვილი, 23-ე წუთები). თუმცა, ამის შემდეგ თამაშის სურათი მკვეთრად შეიცვალა და გოლები უკვე მხოლოდ მასპინძლებს გაჰქონდათ - 41-ე წუთზე 11-მეტრიანი საჯარიმო დარტყმით თეიმურაზ შონიამ ანგარიშში სხვაობა შეამცირა, 47-ე წუთზე მიხეილ ჯიშკარიანმა მატჩს ინტრიგა დაუბრუნა, 56-ეზე თეიმურაზ შონიამ ანგარიში საყაიმო გახადა, ხოლო 63-ე და 87-ე წუთებზე მიხეილ ჯიშკარიანმა კიდევ ორი გოლით დაამწუხრება სტუმრები. დასანანი მარცხი 5-3.

28.02.2011. ”ზესტაფონი-2” - ”ოლიმპი-2” 5-0 (ღირდალაძე, 8; ჭანკოტაძე, 39; ლომია, 70; ჩიხლაძე, 77; ხანთაძე, 85).

”ზესტაფონი-2”: მეშველიანი, მნათობიშვილი, გრუიცა (სანიკიძე, 66), თ. გრიგალაშვილი, ლურსმანაშვილი, გაჩეჩილაძე (ჭანკოტაძე, 32), გაგოშიძე, სარდალიშვილი (ჩიხლაძე, 61), კიკნაველიძე (ხანთაძე, 77), ღირდალაძე (შარვაძე, 69), ლომია.

”ზესტაფონისა” და ”ოლიმპის” დუბლიორების შეხვედრა მასპინძელთა ძალიან დიდი უპირატესობით წარიმართა და მათივე შთამბეჭდავი გამარჯვებით - 5-0 დასრულდა. ანგარიში უკვე 8-ე წუთზე ზურა ღირდალაძის ზუსტი თავურის შემდეგ გაიხსნა, 39-ე წუთზე გიორგი ჭანკოტაძემ ის ორამდე გაზარდა, 70-ეზე საბა ლომიამ მესამედ აიღო რუსთაველთა კარი, 77-ე წუთზე ნიკოლოზ ჩიხლაძემ ანგარიში გამანადგურებელი გახადა, ხოლო საბოლოო წერტილი დღევანდელ მატჩს ჯემალ ხანთაძემ 85-ე წუთზე დაუსვა.

04.03.2011. ”ზესტაფონი-2” - ”ტორპედო-2” 2-3 (კიკნაველიძე, 72, 82).

”ზესტაფონი-2”: მეშველიანი, მნათობიშვილი (ღირდალაძე, 33), გრუიცა (ფერაძე, 46), თ. გრიგალაშვილი, ლურსმანაშვილი (ფოფხაძე, 64), სანიკიძე (ხანთაძე, 70), გაგოშიძე, გაჩეჩილაძე, ჩიხლაძე (კიკნაველიძე, 45), სარდალიშვილი, ლომია.

ზესტაფონელი და ქუთაისელი დუბლიორების შეხვედრა ძალიან საინტერესოდ წარიმართა. თუკი მატჩის პირველი ტაიმი წარმატების მომტანი სტუმართათვის აღმოჩნდა - ქუთაისელებმა მასპინძლების დამწუხრება სამჯერ მოახერხეს (გივი იოსელიანი, 33-ე და 39-ე წუთებზე და დავით კირკიტაძე, 44-ე წუთი), შეხვედრის მეორე ნახევარი უკვე მასპინძელთა დიდი უპირატესობით წარიმართა და ეს უპირატესობა ნოდარ კიკნაველიძის მიერ შესრულებულ ”დუბლში” (72-ე და 82-ე წუთები) აისახა. იმის მიუხედავად, რომ მატჩის ბოლო წუთები ზესტაფონელებმა შეტევაში გაატარეს, ანგარიშის გათანაბრება აღარ მოხერხდა - 2-3.

08.03.2011. ”ზესტაფონი-2” - ”ბაია-2” 4-0 (ლომია, 8, 76, 83; შარვაძე, 81).

”ზესტაფონი-2”: მეშველიანი, მნათობიშვილი, გაგოშიძე, თ. გრიგალაშვილი, კიკნაველიძე, გაჩეჩილაძე (ლურსმანაშვილი, 75), ჭანკოტაძე (რობაქიძე, 80), სარდალიშვილი, ჩიხლაძე (ფოცხვერაშვილი, 57), ლომია, ღირდალაძე (შარვაძე, 59).

ზესტაფონელი და ზუგდიდელი დუბლიორების შეხვედრა მასპინძელთა დიდი უპირატესობით წარიმართა და მათივე შთამბეჭდავი გამარჯვებით 4-0 დასრულდა. განსაკუთრებული აღნიშვნის ღირსია ზესტაფონელთა ფორვარდის საბა ლომიას ასპარეზობა, რომელმაც ზუგდიდელთა დამწუხრება სამჯერ მოახერხა (8-ე, 76-ე და 83-ე წუთები). კიდევ ერთი ბურთი კი სტუმართა კარში 81-ე წუთზე ბერდია შარვაძემ გაიტანა ...

13.03.2011. ”ზესტაფონი-2” - ”კოლხეთი-2” 5-3 (ლომია, 39, 53, 54, 76; სარდალიშვილი, 50).

”ზესტაფონი-2”: მეშველიანი, ფერაძე, მნათობიშვილი (სანიკიძე, 3), ლურსმანაშვილი, გაგოშიძე, თ. გრიგალაშვილი, გაჩეჩილაძე (ხანთაძე, 63), ჭანკოტაძე, სარდალიშვილი (ღირდალაძე, 70), ლომია, შარვაძე (ჩიხლაძე, 46).

ზესტაფონელი და ფოთელი დუბლიორების შეხვედრის დებიუტი წარმატების მომტანი სტუმართათვის გამოდგა - 19-ე წუთზე დავით კუკულაძემ თავის გუნდი დააწინაურა. ამის შემდეგ მატჩი მასპინძელთა დიდი უპირატესობით წარიმართა და საბოლოოდ მათივე შთამბეჭდავი გამარჯვებით 5-3 დასრულდა. ზედიზედ მეორე მატჩია, რაც მარგველთა შემადგენლობაში შედეგიანი ასპარეზობით საბა ლომია გამოირჩევა. რამდენიმე დღის წინ ზუგდიდელებთან მატჩში შესრულებულ ”ჰეთ-თრიკს” ახალგაზრდა ფორვარდმა დღევანდელი ”პოკერი” (39-ე, 53-ე, 54-ე და 76-ე წუთები) შეჰმატა. მასპინძელთაგან ერთი ბურთიც 50-ე წუთზე მიხეილ სარდალიშვილმა გაიტანა, ხოლო ფოთელებმა დავით ხარჩილავამ (71-ე წუთი) და გია ჩადუნელმა (83-ე წუთი) ზესტაფონელებს დიდი ანგარიშით გამარჯვება არ დაანებეს ...

17.03.2011. ”სამტრედია-2” - ”ზესტაფონი-2” 0-4 (ლომია, 7; ღირდალაძე, 18,49, გაჩეჩილაძე, 90).

”ზესტაფონი-2”: მეშველიანი, მნათობიშვილი, ფერაძე, ლურსმანაშვილი, სანიკიძე, გაგოშიძე, ჩიხლაძე, ჭანკოტაძე, სარდალიშვილი, ლომია (გაჩეჩილაძე, 69), ღირდალაძე (შარვაძე, 61).

სამტრედიელი და ზესტაფონელი დუბლიორების შეხვედრა სტუმართა დიდი უპირატესობით წარიმართა და მათივე შთამბეჭდავი გამარჯვებით 4-0 დასრულდა. ზესტაფონელებმა დაწინაურება მატჩის დებიუტშივე მოახერხეს - 7-ე წუთზე ნიკოლოზ ჩიხლაძის გამოზომილი გადაცემის შემდეგ საბა ლომიამ ბურთი მასპინძელთა კარის ბადეში თავით გადაგზავნა. ამის შემდეგ დუბლი გაიფორმა მარგველთა კიდევ ერთმა ახალგაზრდა ფორვარდმა ზურა ღირდალაძემ (18-ე და 49-ე წუთები). დღევანდელ მატჩში საბოლოო წერტილი კი ნოდარ გაჩეჩილაძემ 90-ე წუთზე დასვა. აღსანიშნავია ის გარემოებაც, რომ გიორგი ჭანკოტაძემ დღევანდელ შეხვედრაში თავი 3 საგოლე გადაცემით გამოიჩინა.

21.03.2011. ”ზესტაფონი-2” - ”სიონი-2” 7-0 (ჭანკოტაძე, 14; წინამძღვრიშვილი, 27, 30, 33; ლომია, 45, 50, 58).

”ზესტაფონი-2”: მეშველიანი, თ. გრიგალაშვილი, მნათობიშვილი (ფერაძე, 71), გრუიცა, ფოფხაძე, გაგოშიძე (სანიკიძე, 71), ჩიხლაძე, ჭანკოტაძე (გაჩეჩილაძე, 60), სარდალიშვილი, ლომია (ღირდალაძე, 60), წინამძღვრიშვილი (შარვაძე, 60).

”ზესტაფონისა” და ”სიონის” დუბლიორების შეხვედრა მასპინძელთა ძალიან დიდი უპირატესობით წარიმართა და გამანადგურებელი ანგარიშით - 7-0 დასრულდა. ანგარიში უკვე 14-ე წუთზე გიორგი ჭანკოტაძემ ზუსტი საჯარიმო დარტყმით გაიხსნა. ამის შემდეგ კი გოლები ”ზესტაფონის” მხოლოდ ორ მოთამაშეს გაჰქონდა - რატი წინამძღვრიშვილმა (27-ე, 30-ე და 33-ე წუთებზე) და საბა ლომიამ (45-ე, 50-ე და 58-ე წუთებზე) დღევანდელ შეხვედრაში ორი ”ჰეთ-თრიკი” დააფიქსირეს და სტუმართა რბევაში უმნიშვნელოვანესი წვლილი შეიტანეს. აღსანიშნავია, რომ საბა ლომიამ ეროვნული ჩემპიონატის უმაღლესი ლიგის გუნდების დუბლიორთა მიმდინარე ტურნირში თავის პირადი მონაგარი 22 გოლამდე გაზარდა.

25.03.2011. ”დინამო-2” - ”ზესტაფონი-2” 3-1 (ლომია, 68).

”ზესტაფონი-2”: მეშველიანი, თ. გრიგალაშვილი, მნათობიშვილი, ფერაძე, კიკნაველიძე, გაგოშიძე, გაჩეჩილაძე (შარვაძე, 60), ჭანკოტაძე, ჩიხლაძე (ღირდალაძე, 46), სარდალიშვილი, ლომია.

დაწვრილებით:

03.04.2011. ”ვიტ-ჯორჯია-2” - ”ზესტაფონი-2” 0-0.

”ზესტაფონი-2”: მამალაძე, თ. გრიგალაშვილი, მნათობიშვილი, კობახიძე, კიკნაველიძე, გაგოშიძე (გაჩეჩილაძე, 71), სანიკიძე, სარდალიშვილი, ჭანკოტაძე, ღირდალაძე (შარვაძე, 69), ლომია.

”ვიტ-ჯორჯიას” და ”ზესტაფონის” დუბლიორების შეხვედრა ზემოიმერელთა სოლიდური სათამაშო უპირატესობით წარიმართა. მატჩის ბედის სტუმართა სასარგებლოდ გადაწყვეტა მხოლოდ საბა ლომიას რამდენიმე ეპიზოდში შეეძლო, თუმცა დღეს მოწოდების სიმაღლეზე გახლდათ ვეტერინართა გოლკიპერი გიორგი ძაძამია, რომელმაც თავის გუნდი არაერთხელ გადაარჩინა. მატჩის 90-ე წუთზე გოლი მაინც გავიდა - მასპინძელთა საჯარიმოში ნოდარ გაჩეჩილაძის ჩაწოდებულს საბა ლომიამ ადგილი კარის ბადეში მიუჩინა. არბიტრმა ურუშაძემ, რომელმაც თავდაპირველად ცენტრისაკენ მიუთითა, თანამსაჯთან კონსულტაციის შემდეგ, ხელით თამაშის მოტივით, კარის აღება გააუქმა. ფრე - 0-0.

07.04.2011. ”ტორპედო-2” - ”ზესტაფონი-2” 0-2 (მნათობიშვილი, 55; ჭანკოტაძე, 70)

”ზესტაფონი-2”: მამალაძე, თ. გრიგალაშვილი, კობახიძე (მნათობიშვილი, 46), გრუიცა, ფოფხაძე (ლურსმანაშვილი, 81), სანიკიძე (გაჩეჩილაძე, 81), გაგოშიძე (კიკნაველიძე, 56), სარდალიშვილი, ჭანკოტაძე, ღირდალაძე, ლომია (შარვაძე, 45).

იმერული კლუბების დუბლიორთა დაპირისპირება, ”ტორპედოსა” და ”ზესტაფონის” მთავარი გუნდების გუშინ გამართული მატჩის მსგავსად, საინტერესოდ და დაძაბულად წარიმართა. გუშინდელისაგან განსხვავება იმაში მდგომარეობს, რომ უფროსი მეგობრებისაგან განსხვავებით, ზესტაფონელთა დუბლიორებმა მატჩის მეორე ნახევარში მოახერხეს ქუთათურთა ორჯერ დამწუხრება (ნიკა მნათობიშვილი, 55-ე წუთი და გიორგი ჭანკოტაძე, 70-ე წუთი) და მნიშვნელოვანი გამარჯვების მოპოვება.

11.04.2011. ”ზესტაფონი-2” - ”დინამო-2” 0-0

”ზესტაფონი-2”: მეშველიანი, ფერაძე, მნათობიშვილი, თ. გრიგალაშვილი, ლურსმანაშვილი (ჭანკოტაძე, 46), სანიკიძე, გაგოშიძე (ლომია, 46), გაჩეჩილაძე (გეწაძე, 74), კიკნაველიძე, სარდალიშვილი, ღირდალაძე.

დუბლიორთა ტურნირის ლიდერთა დაპირისპირება ძალიან საინტერესოდ, უშეღავათო ბრძოლაში წარიმართა. მასპინძლები უკეთ გამოიყურებოდნენ და რამდენიმე ეპიზოდში შეეძლოთ სტუმართა დამწუხრება, თუმცა ყველა ხელსაყრელი ეპიზოდი გაანიავეს. შედეგად, ფრე - 0-0.

16.04.2011. ”ზესტაფონი-2” - ”სპარტაკი-2” 1-2 (სარდალიშვილი, 24).

”ზესტაფონი-2”: მამალაძე, გრუიცა, თ. გრიგალაშვილი, ფოფხაძე, გაგოშიძე (გაჩეჩილაძე, 81), სანიკიძე (მნათობიშვილი, 73), ბენაშვილი, ჭანკოტაძე, სარდალიშვილი (კიკნაველიძე, 79), წინამძღვრიშვილი (ღირდალაძე, 46), ლომია (გეწაძე, 86).

შეხვედრის (რომელიც იმერული კლუბის ბაზაზე გამართული პირველი ოფიციალური მატჩი გახლდათ) პირველი ნახევარი მასპინძელთა ძალიან დიდი უპირატესობით წარიმართა. ანგარიში 24-ე წუთზე გაიხსნა - ზესტაფონელთა მრავალსვლიანიანი კომბინაცია ზუსტი დარტყმით მიხეილ სარდალიშვილმა დააგვირგვინა. ტაიმნახევრის მანძილზე მოედანზე განვითარებულ მოვლენებს მთლიანად მასპინძლები აკონტროლებდნენ, თუმცა საკუთარი უპირატესობის განმტკიცებას ვერაფრით ახერხებდნენ, რისთვისაც 68-ე წუთზე დაისაჯნენ კიდეც - ცხინვალელთაგან თავი პაატა ბელთაძემ გამოიჩინა. ამის შემდეგ თამაში გაიხსნა და ორივე გუნდის მეკარეს საქმე მრავლად გაუჩნდა. მატჩის ბედი კი მატჩის არბიტრ გოგა კიკაჩეიშვილის მიერ კომპენსირებულ პირველ წუთზე გადაწყდა - ცხინვალელმა ვახტანგ ჯაყელმა ოსტატურად შესრულებული საჯარიმო დარტყმით გამარჯვება თავის გუნდს მოუტანა.

22.04.2011. ”ოლიმპი-2” - ”ზესტაფონი-2” 0 -1 (სარდალიშვილი, 3).

”ზესტაფონი-2”: მეშველიანი, თ. გრიგალაშვილი, ფერაძე, მნათობიშვილი (ლურსმანაშვილი, 60), კიკნაველიძე, სანიკიძე, გაგოშიძე (ჩიხლაძე, 54), გეწაძე, გაჩეჩილაძე, სარდალიშვილი, ღირდალაძე.

შეხვედრა იმერელთა სწრაფი გოლით დაიწყო - უკვე 3-ე წუთზე ზესტაფონელთა სწრაფი კომბინაცია ზურაბ ღირდალაღის დროული გადაცემითა და მიხეილ სარდალიშვილის ზუსტი დარტყმით დაგვირგვინდა. სტუმრები ამის შემდეგაც რუსთაველებზე უკეთ გამოიყურებოდნენ. ამის მიუხედავად, დარჩენილ დროში გოლის გატანა როგორც ზესტაფონელებს, ასევე მასპინძლებსაც შეეძლოთ, თუმცა მარგველთა მიერ მატჩის დებიუტში გატანილი გოლი დღევანდელ შეხვედრაში ერთადერთი აღმოჩნდა, ”ზესტაფონის” დუბლიორთა გამარჯვება ანგარიშით 1-0.

01.05.2011. ”ზესტაფონი-2” - ”ბაია-2” 5-2 (წინამძღვრიშვილი, 15, 20; გეწაძე, 30; ლომია, 45; ჩიხლაძე, 77).

”ზესტაფონი-2”: მამალაძე, კობახიძე (სანიკიძე, 63), გრუიცა (მნათობიშვილი, 35), თ. გრიგალაშვილი, კიკნაველიძე, გეწაძე, გაგოშიძე, ჭანკოტაძე (გაჩეჩილაძე, 79), სარდალიშვილი, ლომია (შარვაძე, 70), წინამძღვრიშვილი (ჩიხლაძე, 46).

შეხვედრა მასპინძელთა შეტევებით დაიწყო და გამარჯვებულის ვინაობა პირველივე ტაიმში გახდა ნათელი - ზემოიმერლებმა ტაიმი 4-0 მოიგეს. გოლები რატი წინამძღვრიშვილის (15-ე და 20-ე წუთები), როსტომ გეწაძის (30-ე წუთი) და საბა ლომიას (45-ე წუთი) ანგარიშზეა. შეხვედრის მეორე ნახევარში ლაშა კუკავას დუბლის (55-ე და 71-ე წუთები) წყალობით ზუგდიდელებმა მატჩს მცირე ინტრიგა თითქოს დაუბრუნეს, თუმცა ეს ინტრიგა ნიკოლოზ ჩიხლაძემ 77-ე წუთზე საბოლოოდ ”მოკლა”. ”ზესტაფონის” დუბლიორთა გამარჯვება დიდი ანგარიშით 5-2.

09.05.2011. ”კოლხეთი-2” - ”ზესტაფონი-2” 0-1 (ლომია, 46; სარდალიშვილი, 75).

”ზესტაფონი-2”: მეშველიანი, ფერაძე, მნათობიშვილი, თ. გრიგალაშვილი (ლურსმანაშვილი, 83), კიკნაველიძე, სანიკიძე, გაგოშიძე, გაჩეჩილაძე (ჩიხლაძე, 57), სარდალიშვილი, ღირდალაძე (შარვაძე, 66), ლომია (ხანთაძე, 83).

უგოლო პირველი ტაიმის შემდეგ, მატჩის მეორე ნახევარი საბა ლომიას მიერ გატანილი გოლით (46-ე წუთი) დაიწყო. 75-ე წუთზე კი ზესტაფონელთა უპირატესობა კიდევ უფრო შთამბეჭდავი მიხაილ სარდალიშვილმა გახადა. მარგველთა გამარჯვება ანგარიშით 2-0.