 |
 |
 |
 |
 |
 |
 |
 |
 |
 |
 |
30.10.2011 |
||||
მორიგი იმერული დერბი
”დავით აბაშიძეზე” გამართულ იმერულ დერბიში ქუთაისის “ტორპედომ” 1-0 მოუგო “ზესტაფონს”. შეხვედრაში ერთადერთი და გადამწყვეტი ბურთი 65-ე წუთზე დავით დიღმელაშვილმა გაიტანა... მატჩი მასპინძელთა უპირატესობით წარიმართა და ზესტაფონელებს გოლის გატანის არაერთი შესაძლებლობა მიეცათ. ორ ეპიზოდში (პირველ ტაიმში ჯაბა დვალის და შეხვედრის მეორეში ნახევარში ნიკოლოზ გელაშვილის ქუთაისელთა საჯარიმოში წაქცევის გამო) მარგველები 11-მეტრიანი საჯარიმო დარტყმის დანიშვნას ითხოვდნენ, თუმცა მატჩის არბიტრმა თორნიკე გვანცელაძემ ორივე ეს ეპიზოდი სტუმართა სასარგებლოდ გადაწყვიტა ... დღევანდელ დაპირისპირებაში მარცხის შედეგად, ეროვნული ჩემპიონატის სატურნირო ცხრილში უახლოეს მდევრებთან (თბილისის ”დინამო და ქუთაისის ”ტორპედო”) ზესტაფონელთა უპირატესობა ერთადერთ ქულამდე შემცირდა.
შემდეგ შეხვედრას საფეხბურთო კლუბი ”ზესტაფონი” 2 ნოემბერს გამართავს. დავით ყიფიანის სახელობის საქართველოს ეროვნული თასის გათამაშების განმეორებით მერვედფინალურ მატჩში ზემოიმერლები ფოთის ”კოლხეთი-1913”-ს ესტუმრებიან.
|
|||||
საფეხბურთო კლუბ ”ზესტაფონის” პრეს-სამსახური |
|||||
