შალვა ღონღაძე ”ზესტაფონ”-ში რჩება.

საფეხბურთო კლუბ ”ზესტაფონი”-ს დაცვის ერთ-ერთმა ბურჯმა შალვა ღონღაძემ, ზურაბ იონანიძის მსგავსად, გაახანგრძლივა თანამშრომლობა ზემოიმერულ კლუბთან. საქართველოს ეროვნული ჩემპიონატის ერთ-ერთმა საუკეთესო მცველმა, რომელიც თავის დროზე წყალტუბოს ”სამგურალი”-სა და ფოთის ”კოლხეთი-1913”-ს ღირსებას იცავდა, საფეხბურთო კლუბ ”ზესტაფონ”-თან ახალი სამწლიანი კონტრაქტი გააფორმა.

შალვა ღონღაძემ, მიუხედავად იმისა, რომ ცენტრალური მცველის პოზიციაზე ასპარეზობს, ”ზესტაფონი”-ს გულშემატკივრებს თავი დაამახსოვრა მის მიერ გატანილი არაერთი ლამაზი და მნიშვნელოვანი გოლით, მათ შორის : დავით ყიფიანის სახელობის ეროვნული თასის გათამაშების 2006 წლის ფინალური მატჩის ძირითადი დროის ბოლო წამებზე ”ამერი”-ს გოლკიპერ ზურაბ ქვაჩახიას კარში გატანილი ბურთი, გასულ შემოდგომაზე თბილისის დინამოელთა კარში გატანილი ბურთი და ა.შ...

ქვემოთ მოყვანილია მცირე ინფორმაცია შალვა ღონღაძისა და მისი სპორტული ბიოგრაფიის შესახებ:

	მცველი
	17/08/1978
	187 სმ
	79 კგ
”სამგურალი” (წყალტუბო) - 1997 - 2002, ”კოლხეთი” (ფოთი) - 2002 - 2004, ”ზესტაფონი” - 2005-2006