ვარჯიში ”UPC-არენაზე”

2 აგვისტოს საფეხბურთო კლუბი ”ზესტაფონი” ჩარტერული რეისით ავსტრიაში გაემგზავრა. დილის 11:05 საათზე თბილისის საერთაშორისო აეროპორტიდან აფრენიდან 3 საათსა და 40 წუთში ქართული გუნდი გრაცის აეროპორტში ჩაფრინდა.

აეროპორტიდან ავტობუსით 15-წუთიანი მგზავრობის შემდეგ იმერლები სასტუმრო ”პარადიზში” დაბინავდნენ და სასტუმროში რამდენიმესაათიანი დასვენების შემდეგ, გუნდი გაემგზავრა და ადგილობრივი დროის 20:30-დან 21:30 საათამდე ივარჯიშა ადგილობრივ სტადიონ ”UPC-არენაზე”, სადაც ხვალ ”შტურმთან ” უეფას ჩემპიონთა ლიგის მესამე საკვალიფიკაციო ეტაპის განმეორებითი შეხვედრა გაიმართება. ვარჯიშის საწყებამდე ზესტაფონელთა დამრიგებლის გია გეგუჩაძის პრეს-კონფერენცია გაიმართა...

ხვალინდელ მატჩს გუნდი საბრძოლო განწყობით ხვდება. შეგახსენებთ, რომ ”შტურმი” - ”ზესტაფონის” შეხვედრა ადგილობრივი დროით 20:30, ხოლო თბილისის დროით 22:30 საათზე დაიწყება და ”საზოგადოებრივი მაუწყებლის” პირდაპირ ეთერში გადაიცემა.