იმერლები ავსტრიაში მიემგზავრებიან

საფეხბურთო კლუბ ”ზესტაფონის” პირველი გუნდი, რომელიც გრაცის ”შტურმთან” ჩემპიონთა ლიგის მიმდინარე გათამაშების მესამე საკვალიფიკაციო რაუნდის განმეორებით შეხვედრას 3 აგვისტოს სტუმრად გამართავს, ხვალ ავსტრიაში მიემგზავრება ...

ზემოიმერლები ქალაქ გრაცთან ახლოს მდებარე სასტუმრო ”პარადიზში” დაბინავდებიან.

გია გეგუჩაძეს უეფას ჩემპიონთა ლიგის მესამე რაუნდის საპასუხო შეხვედრაში მონაწილეობის მისაღებად შემდეგი 20 ფეხბურთელი იახლა:

მეკარეები: როინ კვასხვაძე, ზურაბ მამალაძე;

მცველები: გიორგი ონიანი, ზაალ ელიავა, მამუკა კობახიძე, თეიმურაზ ღონღაძე, კახაბერ ალადაშვილი, მალხაზ გაგოშიძე, ალექსი ბენაშვილი;

ნახევარმცველები: მურთაზ დაუშვილი, თორნიკე გორგიაშვილი, ირაკლი ძარია, შოთა გრიგალაშვილი, შოთა ბაბუნაშვილი, თორნიკე აფციაური, მიშიკო სარდალიშვილი;

თავდამსხმელები: ნიკოლოზ გელაშვილი, ჯაბა დვალი, საბა ლომია, რატი წინამძღვრიშვილი.

ხვალ, 2 აგვისტოს, საქართველოს ჩემპიონები ქალაქ გრაცის ”UPC-Arena”-ზე თბილისის დროით 22:30 საათზე ივარჯიშებენ. ვარჯიშის დაწყებამდე ქართული გუნდის დამრიგებელი გია გეგუჩაძე ავსტრიული და ქართული მედია-საშუალებებისათვის მატჩისწინა პრეს-კონფერენციას გამართავს.

ოთხშაბათს გასამართი შეხვედრის უკეთ გაშუქების მიზნით, საფეხბურთო კლუბ ”ზესტაფონს” ტელეკომპანია ”იმედის” გადამღები ჯგუფი მიჰყვება. ქართული დელეგაცია ავსტრიაში თბილისის საერთაშორისო აეროპორტიდან ჩარტერული რეისით (თბილისი-გრაცის მარშრუტით) ხვალ, დილის 11:00 საათზე, მიემგზავრება ...