 |
 |
 |
 |
 |
 |
 |
 |
 |
 |
 |
16.03.2011
|
||||
პრინციპული მატჩი სამტრედიაში
მორიგ იმერულ დერბის, რომელიც ეროსი მანჯგალაძის სახელობის სამტრედიის სტადიონის ძალიან მძიმე გაზონზე გაიმართა, მაინცდამაინც სანახაობრივ სანახაობას ნამდვილად ვერ ვუწოდებთ. მიზეზი საკმაოდ მარტივი გახლავთ - სათამაშო მოედნის უმძიმესი მდგომარეობა ფეხბურთელებს საუკეთესო სათამაშო თვისებების დემონსტრირებაში ხელს უშლიდა. ფაქტიურად შეუძლებელი გახლდათ ელემენტარული გადაცემების გაკეთებაც კი. აქედან გამომდინარე, იმას, რაც დღეს სამტრედიის სტადიონზე მოსულმა გულშემატკივარმა იხილა, ქართული ფეხბურთის ”ზეიმს” ვერანაირად ვერ დავარქმევთ ... მატჩი სტუმართა დიდი უპირატესობით წარიმართა. ბურთსაც და ტერიტორიასაც უმეტესად ზესტაფონელები აკონტროლებდნენ და მოედნის მძიმე მდგომარეობის მიუხედავად, გეგმაზომიერად ეძებდნენ სამტრედიელთა ”კარის გასაღებს”. ყველაფერმა ამან შედეგი ტაიმის მიწურულს მოიტანა - მიმდინარეობდა 39-ე წუთი, როდესაც შოთა გრიგალაშვილისა და ირაკლი ძარიას სწრაფი იერიში ამ უკანასკნელის შეტევის მარჯვენა ფლანგიდან მასპინძელთა საჯარიმოში გაკეთებული გადაცემით დასრულდა, იქ კი ბურთთან ყველაზე პირველი ნიკოლოზ გელაშვილი გაჩნდა, რომელმაც დიდოსტატური ცრუმოძრაობით სამტრედიელთა მცველები უსაქმოდ დატოვა და მეკარე დავით კეკელიძის კარი აუღელვებლად აიღო. მეორე ტაიმიც ზემოიმერელთა კარნახით წარიმართა, მაგრამ საგოლე მომენტების რეალიზება ზესტაფონელებმა ვეღარ მოახერხეს. არადა, შეტევის დამაგვირგვინებელ ფაზაში ჯაბა დვალს, რატი წინამძღვრიშვილსა და თორნიკე გორგიაშვილს რომ ევარგათ, ანგარიში უფრო სოლიდურიც იქნებობა. ზესტაფონელთა გამარჯვება მინიმალური ანგარიშით 1-0.
აღსანიშნავია, რომ დღევნდელ შეხვედრაში გატანილი გოლი გახლავთ ნიკოლოზ გელაშვილის 50-ე გოლი საფეხბურთო კლუბ ”ზესტაფონის” მაისურით გამართულ ეროვნული ჩემპიონატის მატჩებში.
საქართველოს XXII-ე ეროვნული ჩემპიონატის ოცდამეექვსე ტურის შეხვედრას საფეხბურთო კლუბი ”ზესტაფონი” 20 მარტს შინ გამართავს. მარგველთა მეტოქე ბოლნისის საფეხბურთო კლუბი ”სიონი” იქნება ... |
|||||
საფეხბურთო კლუბ ”ზესტაფონის” პრეს-სამსახური |
|||||
2011 წლის 16 მარტს გაიმართა საქართველოს XXII-ე ეროვნული საფეხბურთო ჩემპიონატის ოცდამეხუთე ტურის მატჩები. ეროსი მანჯგალაძის სახელობის სამტრედიის სტადიონზე საფეხბურთო კლუბი ”ზესტაფონი” ადგილობრივ საფეხბურთო კლუბს დაუპირისპირდა.