დღესასწაული ზესტაფონში.

2010 წლის 9 აპრილს გაიმართა საქართველოს XXI-ე ეროვნული საფეხბურთო ჩემპიონატის ოცდამეცხრე ტურის პირველი მატჩი. დათო აბაშიძის სახელობის ზესტაფონის სტადიონზე იმერული დერბი გაიმართა - ”ზესტაფონმა” საფეხბურთო კლუბს ”სამტრედიას” უმასპინძლა.

მატჩის დაწყებამდე სტადიონზე შეკრებილი მაყურებელი ოვაციით შეეგება ინფორმაციას ზესტაფონის ცენტრალური სტადიონისათვის საფეხბურთო კლუბ ”ზესტაფონის” ახლახახან გარდაცვლილი გენერალური დირექტორის, წარსულში ფეხბურთელისა და თვალსაჩინო საფეხბურთო მოღვაწის, ბატონი დათო აბაშიძის სახელის მინიჭების შესახებ ...

შეხვედრის პირველი ნახევარი მასპინძელთა აშკარა უპირატესობით წარიმართა... ანგარიში 33-ე წუთზე უზუსტესი შორეული დარტყმით ირაკლი ძარიამ გახსნა, ხოლო 41-ეზე ალექს ბენაშვილმა მასპინძელთა უპირატესობა კიდევ უფრო სოლიდური გახადა.

მეორე ტაიმის დასაწყისში სტუმრებმა გოლის გატანა მოახერხეს - 56-ე წუთზე გატანილი გოლი ვალიკო ტყემალაძის ანგარიშზეა. ამის შემდეგ კი გოლები მხოლოდ ზესტაფონელებს გაჰქონდათ - 58-ე წუთზე ნიკა ჩიხლაძის გამოზომილი პასით ჯაბა დვალმა ორბურთიანი ”სტატუს-ქვო” აღადგინა, 60-ეზე ლევან კორღალიძემ მასპინძლები უკვე 3 ბურთის სხვაობით დააწინაურა, ხოლო 78-ე წუთზე თორნიკე გორგიაშვილმა შეხვედრას საბოლოო წერტილი დაუსვა - ზესტაფონელთა შთამბეჭდავი გამარჯვება - 5-1.

აღსანიშნავია, რომ სამტრედიელებთან შეხვედრაში მოპოვებული გამარჯვება გახლდათ საფეხბურთო კლუბ ”ზესტაფონისათვის” საიუბილეო 100-ე გამარჯვება საქართველოს ეროვნული ჩემპიონატის უმაღლეს ლიგაში.

	09/04/2010 - ”ზესტაფონი” - ”სამტრედია” 5-1
დაწვრილებით:

საქართველოს XXI-ე ეროვნული ჩემპიონატის 30-ე ტურის შეხვედრას საფეხბურთო კლუბი ”ზესტაფონი” 17 აპრილს თბილისში გამართავს. იმერელთა მეტოქე საფეხბურთო კლუბი ”გაგრა” იქნება ...