 |
 |
 |
 |
 |
 |
 |
 |
 |
 |
 |
06.03.2010 |
||||||
სტუმრობა ჩემპიონთან.
შეხვედრა საფეხბურთო კლუბ ”ზესტაფონის” გენერალური დირექტორის ბატონი დავით აბაშიძის ნათელი ხსოვნისადმი მიძღვნილი წუთიერი დუმილით დაიწყო ... პირველი ტაიმი, ორივე გუნდის არაერთი მცდელობის მიუხედავად, უგოლოდ 0-0 დასრულდა. თუმცა, უნდა ითქვას, რომ თბილისელთა კარის აღება ზესტაფონელ ნიკოლოზ გელაშვილს შეეძლო. მასპინძლებსაც მართებდათ ბურთის გატანა, მაშინ როდესაც როინ კვასხვაძემ ჯერ გიორგი ვასაძის, ხოლო შემდეგ დავით ლომაიას ძალიან სახიფათო დარტყმები მოიგერია . მეორე ტაიმის დასაწყისში ვეტერინარებმა სწრაფი გოლის გატანა მოახერხეს - 49-ე წუთზე ზესტაფონელთა დაცვის უყურადღებობით ლაშა ჯაფარიძემ კარგად ისარგებლა და თავის გუნდი დააწინაურა. რამდენიმე წუთში ზესტაფონელებს მართებდათ გათანაბრება - კუთხურიდან ჩამოწედუბულ ბურთს თავური დარტყმით მამუკა კობახიძე გამოეხმაურა, თუმცა, მისი დარტყმული გრიგოლ ბედიაშვილის კარის ხარიხას მოხვდა, დამატებაზე პირველი ბურთთან ირაკლი ძარია კი გაჩნდა, მაგრამ მისი დარტყმა თბილისელთა კარს ასცდა. საერთოდ, შეხვედრის მეორე ნახევარი ორმხრივ იერიშებში წარიმართა, ორივე გუნდის შემტევებს არაერთგზის შეეძლოთ მეტოქეთა დამწუხრება. საბოლოო ანგარიში კი მატჩის მიწურულს დაფიქსირდა - 84-ე წუთძე იმერელთა შეტევა საგოლე დარტყმით ლევან კორღალიძემ დააგვირგვინა - ფრე 1-1. მატჩის შემდეგ ( გაზეთი "მსოფლიო სპორტი", www.worldsport.ge): გია გეგუჩაძე ("ზესტაფონის" მთავარი მწვრთნელი): "ვფიქრობ, საინტერესო თამაში გამოვიდა. ორივე გუნდი გახსნილად მოქმედებდა და ბევრი სახიფათო მომენტიც ვნახეთ. არ დავმალავ, ვერმოგებამ გული დაგვწყვიტა, მაგრამ დარწმუნებული ვარ, არც ”ვიტ ჯორჯია” იყო მხოლოდ ერთი ქულისთვის მინდორზე გამოსული... გელა გომელაური ("ვიტ-ჯორჯიას" მთავარი მწვრთნელი): "ჩვენი თამაში იდეალურთან მიახლოებულიც კი არ ყოფილა, მაგრამ ბევრი პოზიტიური მომენტიც დავინახე. მაგალითად, შეტევაში გააზრებულად ვთამაშობდით. საერთოდ, ”ზესტაფონი” იმ გუნდად მიმაჩნია, რომელთან მატჩის შემდეგ, გაცილებით იოლია შენი გუნდის პლუს-მინუსების დანახვა, ანალიზის გაკეთება... საქართველოს XXI-ე ეროვნული ჩემპიონატის ოცდამეხუთე ტურის შეხვედრას საფეხბურთო კლუბი ”ზესტაფონი” 14 მარტს შინ გამართავს. იმერელთა მეტოქე ცხინვალის ”სპარტაკი” იქნება ...
|
|||||||
საფეხბურთო კლუბ ”ზესტაფონის” პრეს-სამსახური |
|||||||
2010 წლის 6 მარტს გაიმართა საქართველოს XXI-ე ეროვნული საფეხბურთო ჩემპიონატის ოცდამეოთხე ტურის მატჩები. რუსთავის სტადიონ ”ფოლადზე” საფეხბურთო კლუბი ”ზესტაფონი” დაუპირისპირდა საქართველოს მოქმედ ჩემპიონ თბილისის საფეხბურთო კლუბს ”ვიტ-ჯორჯიას”.
