კიდევ ერთი ახალწვეული.

2009 წლის 10 ივნისს საფეხბურთო კლუბ ”ზესტაფონს” კიდევ ერთი ფეხბურთელი შეემატა - 24-წლის ახალწვეულის სახელია ჯაბა დვალი. ქართველი ფორვარდი, რომელიც ბოლოს მოლდოვურ ”დაჩიაში” ასპარეზობდა, იმერული კლუბის ღირსებას მომდევნო 2 წლის განმავლობაში დაიცავს.

ორიოდე სიტყვით ფეხბურთელის შესახებ:

ჯაბა დვალი - თავდამსხმელი: დაბადებულია- 08/02/1985; სიმაღლე - 176 სმ, წონა - 71 კგ.

საფეხბურთო კლუბ ”ზესტაფონთან” კონტრაქტის გაფორმებამდე ასპარეზობდა შემდეგ საფეხბურთო კლუბებში: ”დინამო”(თბილისი) -2003-2005, 2006. ”სიონი”(ბოლნისი)- 2005, ”ჩიხურა”(საჩხერე)- 2007, ”ოლიმპი”(რუსთავი)- 2007, ”დაჩია”(კიშინიოვი, მოლდოვა) -2007-2009.

შეგახსენებთ იმას, რომ ჯაბა დვალი 2005-2006 წლების სეზონში 21 გატანილი ბურთით გახდა საქართველოს 17-ე ეროვნული ჩემპიონატის საუკეთესო ბომბარდირი, ხოლო ”დაჩიას” შემადგენლობაში ასპარეზობისას ფორვარდმა სადებიუტო სეზონშივე მოახერხა 13 გოლის გატანა და მოლდოვის საუკეთესო ბომბარდირთა შორის ადგილის დამკვიდრება. ახლახან დასრულებული სეზონი კი ჯაბამ 9 (7 ჩემპიონატში და 2 თასზე) გატანალი ბურთით დაასრულა.