 |
 |
 |
 |
 |
 |
 |
 |
 |
 |
 |
03.05.2009
|
||||
სტუმრობა ბორჯომში.
ბორჯომში გამართული მატჩის პირველივე წუთებიდან უპირატესობას ზესტაფონელი ფეხბურთელები დაეუფლნენ- ზურაბ იონანიძემ და ნიკა გელაშვილმა საგოლე მომენტების გამოყენება ვერ მოახერხეს. 20-ე წუთზე კი მასპინძელთა კარში 11-მეტრიანი საჯარიმო დარტყმა დაინიშნა, რომელიც გოლად მიმდინარე ეროვნული ჩემპიონატის საუკეთესო ბომბარდირმა ნიკოლოზ გელაშვილმა აქცია. 35-ე წუთზე სტუმრებმა ანგარიში ორამდე გაზარდეს - შეტევის მარჯვენა ფლანგიდან უჩა ლობჟანიძის გადაცემის შემდეგ ნიკა გელაშვილი მეკარე ბექა შეყილაძესთან პირისპირ დარჩა და ბურთი აუღელვებლად კარში გადაგზავნა. მეორე ტაიმის დასაწყისში ბორჯომელებმა ანგარიშში სხვაობა შეამცირეს - როინ კვასხვაძემ ვერ მოახერხა ნოდარ დევიძის შორიდან დარტყმული ბურთის მოგერიება. ნიკოლოზ გელაშვილმა 84-ე წუთზე ორბურთიანი სტატუს-ქვოს აღდგენასთან ერთად ”ხეთ-თრიკიც” შეასრულა და მიმდინარე ჩემპიონატში გატანილი გოლების რაოდენობაც 17-მდე გაზარდა.
|
|||||
სკ. ”ზესტაფონი”-ს პრეს-სამსახური |
|||||
