 |
 |
 |
 |
 |
 |
 |
 |
 |
 |
 |
15.11.2008
|
||||
რთული გამარჯვება რკინიგზელებთან შეხვედრაში.
შეხვედრის პირველი ტაიმი საკმაოდ საინტერესოდ წარიმართა, მასპინძლებმა თავიდანვე მონდომებით შეუტიეს მეტოქეს და 16-ე წუთზე დაწინაურდნენ კიდეც - ბექა გოცირიძის გადაცემის შემდეგ ანგარიში ნიკოლოზ გელაშვილმა გახსნა. თუმცა, სულ რაღაც 9 წუთში ანგარიში გათანაბრდა - გიორგი კახელიშვილმა ახლო მანძილიდან ზესტაფონელთა დაცვას და მეკარეს შანსი არ დაუტოვა ... შესვენების შემდეგ მასპინძლები ისევ აქტიურობდნენ, სტუმრები კი სახიფათო კონტრიერიშებით პასუხობდნენ. ერთ-ერთი ასეთი კონტრშეტევისას თბილისელთა დაწინაურება რატი ალექსიძეს შეეძლო, თუმცა მარგველები მეკარე როინ კვასხვაძის ბრწყინვალე რეაქციამ გადაარჩინა. 67-ე წუთზე იმერლები კვლავ დაწინაურდნენ - მოედანზე ახლადშემოსული ზურაბ იონანიძის სახიფათო გადაცემას ერიკ რომეო ჩასემის გოლი მოჰყვა. შეხვედრის საბოლოო წერტილი კი არბიტრის მიერ კომპენსირებულ დროში მურთაზ დაუშვილმა დასვა - რკინიგზელთა კუთხურს, როდესაც გიორგი ლომაიაც მასპინძელთა საჯარიმო მოედანზე იმყოფებობა, მოჰყვა ელვისებური კონტრშეტევა და ბუბა დაუშვილმა ბურთი ცარიელ კარში შეაგორა - 3-1. აღსანიშნავია ის გარემოება, რომ ნიკოლოზ გელაშვილი ჩემპიონატის ზედიზედ მეექვსე შეხვედრაში არ ტოვებს მოედანს გატანილი გოლის გარეშე !
|
|||||
სკ. ”ზესტაფონი”-ს პრეს-სამსახური |
|||||
