 |
 |
 |
 |
 |
 |
 |
 |
 |
 |
 |
30.08.2008
|
||||
”ზესტაფონმა” ტიტულის დაცვა წარმატებით დაიწყო.
მატჩი, რომელშიც გუნდებმა შავი სამკლაურებით იასპარეზეს, წუთიერი დუმილით დაიწყო. გუნდებმა და სტადიონზე შეკრებილმა მაყურებლებმა პატივი მიაგეს რუსული აგრესიის შედეგად დაღუპული ჯარისკაცებისა და მშვიდობიანი მოსახლეობის ნათელ ხსოვნას. უშუალოდ შეხვედრა კი ზესტაფონელი ფეხბურთელების დიდი უპირატესობით წარიმართა და მათივე გამარჯვებით - 5-0 დასრულდა. გოლები ბექა გოცირიძის (24 წუთი), ერიკ რომეო ჩასემის (36 წუთი), ნიკა კვასხვაძის (62 წუთი) და ნიკოლოზ გელაშვილის (59 და 78 წუთები) ანგარიშზეა. საქართველოს XX-ე ეროვნული ჩემპიონატის პირველი ტურის მატჩს საფეხბურთო კლუბი ”ზესტაფონი” 14 სექტემბერს ქალაქ რუსთავში ადგილობრივი ”ოლიმპის” წინააღმდეგ გამართავს.
|
|||||
ს.კ. ”ზესტაფონი”-ს პრეს-სამსახური |
|||||
