”ზესტაფონი” - ”ვიტ-ჯორჯია” 1-1.

2007 წლის 10 აგვისტოს სტარტი აიღო საქართველოს მეცხრამეტე ეროვნულმა პირველობამ ფეხბურთში. საფეხბურთო კლუბმა ”ზესტაფონ”-მა ახალი სეზონის პირველი შეხვედრა გამართა შინ საფეხბურთო კლუბ ”ვიტ-ჯორჯია”-ს წინააღმდეგ.

შეხვედრა მასპინძელთათვის მძიმედ დაიწყო - უკვე მე-14-ე წუთზე ანგარიში სტუმრებმა გახსნეს. ვეტერინართა სწრაფი კონტრშეტევა ზაზა სახოკიამ დააგვირგვინა. ზესტაფონელები მთელი მატჩის განმავლობაში ცდილობდნენ სტუმართა კარის დალაშქვრას, თუმცა ამის გაკეთება მხოლოდ შეხვედრის მიწურულს შეძლეს - სტუმართა კარის სიახლოვეს დანიშნული საჯარიმო დარტყმა გოლად ბრაზილიელმა ჟილვან გომეს ვიეირამ აქცია - საბრძოლო ფრე 1-1.

	10/08/2007- "ზესტაფონი"- “ვიტ-ჯორჯია” (თბილისი ) 1-1
დაწვრილებით: